Esan dugun bezala, digestio-aparatua aztertzen hasiko gara. Horretarako lehenik eta behin, bideo hau ikusiko dugu.
Orain, digestio-aparatuaren orokortasunak ikusi ditugula, lehenengo jarduerarekin hasteko prest zaudete:
Zein garrantzitsua den osasuna!
1. ataza: Digestio-aparatua aztertuz
1. jarduera: Digestio-aparatuaren aurkezpena osatu.
- Zer egin behar dugu?
Bikoteka honako aurkezpena osatu behar duzue.
- Zenbat denbora daukagu?
2 saio dituzue.
- Non aurkituko dugu informazioa?
Informazioa esteka hauek jarraituz aurkituko duzue.
Hitzaren bat ez baduzue ulertzen, edota euskarara itzuli nahi baduzue, honako 2 hiztegi hauek erabil ditzakezue.
- Euskara-euskara: Euskaltzaindiaren hiztegia
- Gaztelania-euskara: Elhuyar Hiztegia
Hortaz gain, erabiliko duzuen informazio guzti hori hobeto ulertzeko, osatu behar duzuen aurkezpenean bertan, bideoen estekak dauzkazue.
2. jarduera: 1-2-4 teknika erabiliz definizioak idatzi.
- Zer egin behar dugu?
Aurkezpena osatzerakoan idatzitako kontzeptu garrantzitsu batzuen definizioak idatzi behar dituzue, honako hauek hain zuzen ere:
- Digestio aparatuan aurkitu ditzakegun entzimak: Zuek osatutako aurkezpenan dagoen taulan aurkitu behar dituzue.
- Digestio-prozesuan zehar sortu diren masa eta ahiak: Zuek osatutako aurkezpenan dagoen taulan aurkitu behar dituzue.
- Mugimendu peristaltikoak
- Nola egin behar dugu?
1-2-4 teknika erabiliko duzue.
- Zenbat denbora daukagu?
2 saio:
- 1.saioan: bakarka.
- 2.saioan: binaka eta launaka. Ondoren, amankomunean jarriko dugu guztion artean.
3. jarduera: Digestio-prozesua idatzi.
Aurkezpenean duzuen informazioa erabiliz digestio-prozesua azaltzen duen testua idatzi behar duzue.
- Zer egin behar dugu?
Digestio-prozesua azaltzen duen idazlana. Ahotik hasita uzkiaraino dauden hodiaren atalak, bakoitzean gertatzen den digestio mekaniko eta kimikoa, parte hartzen duten egiturak (hortzak, mihia eta guruinak), entzimak eta sortzen diren masa eta ahiak azaldu behar dituzue.
- Nola egin behar dugu?
- Bakarka, zuek sortuko duzuen Google dokumentu batean.
- 1. jardueran osatu duzuen aurkezpeneko informazioa erabiliz.
- Zenbat denbora daukagu?
Saio 1.
Ikaskuntza-egunkaria: Hausnarketa
Ikaskuntza-egunkariari esker, zuen lanaz hausnartuko duzue; berrikusteko, aurrerapenak jasotzeko eta hurrengo atazak hobeto egiteko iradokizunak idatziko dituzue.
- Zerbait ikasi al dut? Lehen baino gehiago al dakit?
- Zer baliabide erabili ditut? Zertarako balio dute?
- Zailtasunik izan al dut? Nolakoak? Zer egin dezaket hurrengoan ez izateko?
- Bakarrik egin dut ala laguntza behar izan dut?
- Nahiko lan egin dut ala gehiago egin behar nuen?
- Binakako eta taldekako lanetan beste kideengandik zerbait ikasi al dut? Eta nik zerbait erakutsi al diet?
- Taldekide ona izan naiz? Zerbait hobetu dezaket?
Ondoko lizentziak babestua Creative Commons: aitortu-PartekatuBerdin 4.0 Lizentzia